Kryeministri Edi Rama ka mbledhur paraditen e kësaj të hëne grupin parlamentar të PS.
Vizion Plus mëson se kreu i qeverisë gjatë mbledhjes është ndalur tek çështja e shkarkimit të presidentit Meta. Kryeministri Edi Rama tha para deputetëve se vendimi për shkarkimin do të merret pas përfundimit të raportit përfundimtar të Komisionit të Venecias ku më pas, sipas tij do të hartohet një dokument shpjegues me të gjitha hapat që do të ndiqen.
“Do presim publikimin e raportit përfundimtar të Komisionit të Venecias dhe do hartojmë një dokument shpjegues për hapat që do ndjekim”, mësohet të jetë shprehur Rama.
Nga ana tjetër, Vizion Plus mëson se kreu i qeverisë u ka kërkuar deputetëve që të miratojnë sa më shpejtë rezolutën e PE si pjesë e paketës anti-shpifje.
Gjithashtu, në mbledhje është diskutuar edhe për buxhetin e vitit 2020.
