Tifozë të shumtë kosovarë kanë udhëtuar për në Southampton ku Kosova u përball me Anglinë në ndeshjen për kualifikime në Euro 2020.
Një nga tifozët e Kosovës ka shkuar me një mesazh, që u vlerësua si shumë pozitiv në Angli.
“Falë jush, ne sot luajmë kundër jush. Përgjithmonë mirënjohës për ju, Anglia jonë e dashur”, shkruan në banerin që ai e mbanë në dorë. Një mesazh i tillë emocioni shumë njerëz nga e gjithë bota që po e shpërndajnë në rrjete sociale.
Në shumë faqe në Facebook dhe Twitter, është shpërndarë foto e tifozit me pankartën ku shkruan, “Falë jush, ne sot luajmë kundër jush. Përgjithmonë mirënjohës për ju, Anglia jonë e dashur”.
Anglia e mposhti Kosovën me rezultat 5-3.
Dy golat e Kosovës i shënoi Valon Berisha, ndërsa të tretën e shënoi Vedat Muriqi nga penaltia.
